АЛФАИнтелектуални услуги од 2003

Спознај го Универзумот

АЛФА · Скопје · од 2003 година

Математика и природни науки, објаснети до разбирање.

АЛФА е едукативен центар за математика, физика и хемија. Повеќе од дваесет години подготвуваме ученици за училиште, матура, натпревари и факултет, во мали групи или индивидуално, со програма прилагодена на секој ученик.

23години искуство
од 1 септември 2003
10 000+ученици поминале
низ нашите училници
4 до 5ученици во група,
зависно од возраста
3предмети: математика,
физика и хемија
„Спознај го Универзумот.“
Мотото на АЛФА од првиот ден

АЛФА започна со работа на 1 септември 2003 година со една идеја: учениците преку математиката и природните науки да го спознаат Универзумот, неговата суштина и едноставност, и да ги препознаат природните закони во секојдневниот живот.

Наставата ја водат искусни професори кои работат одговорно и со љубов кон предметот. Програмите постојано ги надградуваме, ја следиме технологијата и го усовршуваме наставниот кадар, за секоја генерација да добие подобра настава од претходната.

Програми

Од основно училиште до испит на факултет

Наставата се одвива во текот на целата година, во мали групи или индивидуално. Секој ученик добива средена програма со формули и избрани задачи, па точно знае што учи и зошто.

Редовна настава

Математика, физика и хемија по програмата од училиште, со средена програма, формули и избрани задачи од збирка и учебник.

Мат · Физ · Хем

Државна матура

Подготовка по програмата за основно и напредно ниво. Комплетни материјали, а на крајот подготвителни тестови од матурата.

Матура

Проекти за матура

Менторски часови за избор на тема, наоѓање литература и помош при пишувањето на проектот.

Матура

IB и IP програми

Подготовка за учениците во меѓународните програми, според нивната содржина и начин на оценување.

Меѓународно

Натпревари и напредна програма

Напредни задачи и стратегии за решавање, за учениците што сакаат повеќе од редовната програма.

Натпревари
Пристап

Како работиме

Квалитетот не доаѓа од бројот на часови, туку од вниманието што секој ученик го добива на секој час.

Мали групи

Од 4 до 5 ученици во група, зависно од возраста, со врсници од иста година и слично ниво. Професорот го следи секој ученик и има време за секое прашање.

Подготвени материјали

Секој курс има своја програма со формули и избрани задачи од збирки и учебници. Ученикот не губи време барајќи што да учи.

Програма според ученикот

Нивото се прилагодува на конкретните потреби: од утврдување на основите до напредни програми за натпревари.

Распоред според смената

Терминот се избира според тоа дали ученикот е прва или втора смена, за часот никогаш да не се судри со училиштето.

Индивидуални часови

Кога е потребно, часовите се изведуваат еден на еден, само професорот и ученикот, со целосно внимание на неговите потреби.

Професори што се усовршуваат

Наставниот кадар постојано се доедуцира, а програмите се надградуваат и ја следат технологијата.

Професори

Луѓето што стојат зад секој час

Наставата ја водат професори по математика, физика и хемија. Секој од нив со свои зборови кажува како пристапува кон предметот и кон учениците.

Хелена Шинковац-Антов

Професор по математика
Математиката е едноставна, исто како кинеската мудрост. Големите проблеми ги претвораме во мали, а малите ги решаваме целосно.

Ирена Анастасовска

Професор по математика
Математиката не е „баук“, туку вештина која секој може да ја совлада со вистински пристап. Во опуштена атмосфера, со лесни чекори, заедно ги надминуваме сите стравови и бариери од бројките.

Ева Груевска

Професор по математика и физика
Малку логика, малку љубопитност и цел еден универзум за откривање.

Бубе Маниќ

Професор по математика
Математиката не е само пронаоѓање на точниот одговор, туку и учење како да стигнеме до него. Како професор во АЛФА, сакам да им помогнам на учениците да ја откријат логиката зад секоја задача, да ги надминат предизвиците и да ја заменат несигурноста со љубопитност и самодоверба.

Павлинка Цонева

Професор по математика и физика
Математиката и физиката не се само училишни предмети, туку начин да го разбереме светот околу нас. За мене најубавиот момент не е кога ученикот ќе го добие точниот резултат, туку кога ќе се насмевне и ќе каже: „Ааа, сега ми е јасно!“ Тогаш знам дека сме успеале.

Весна Рабан

Професор по хемија
Професорка која и во животот, како и во хемијата, знае дека за секоја реакција се потребни вистински состојки. Принципиелна, доследна и упорна, со свој став за сѐ и со одговор подготвен за секоја ситуација.
Резултати

Наши ученици на натпревари

Освен за училиште и матура, учениците во АЛФА се подготвуваат и за натпревари. Ова се дел од наградите што ги освоиле на регионални и државни натпревари.

Олег Антов

  • 2026Прво месторегионален натпревар по математика
  • 2025Второ местодржавен натпревар по природни науки
  • 2025Второ месторегионален натпревар по математика

Никола Атанасовски

  • 2026Пофалницарегионален натпревар по математика

Андреј Давидовски

  • 2022Пофалницадржавен натпревар по физика
  • 2021Пофалницадржавен натпревар по физика

Христијан Богоевски

  • 2009Второ местодржавен натпревар по математика
  • 2007Трето местоМакедонска математичка олимпијада до 15,5 години
  • 2006Второ месторепублички натпревар по математика
Препораки

Што велат за нас

Искуства на родители и поранешни ученици што со години се дел од АЛФА.

„АЛФА Едукација, односно проф. Хелена која стои зад неа, има една од најважните улоги во моето образование. Не само што ми даде цврста основа по математика, која подоцна ми помогна да дипломирам вештачка интелигенција во Германија, туку создаде и средина во која се чувствував сигурно и прифатено и каде што се развив во личноста која сум денес. Нејзиното влијание како професорка е многу повеќе од високите оценки во училиште. Таа ја зацврсти мојата самодоверба, како во математиката, така и во носењето разумни одлуки во животот. Четирите години што ги поминав учејќи во АЛФА дефинитивно ми се едни од најубавите спомени од средно.“

Катерина АлексоваПоранешна ученичка, магистер по деловна информатика

„Соработката со АЛФА започна кога мојот син беше шесто одделение и трае до денес, кога се подготвува за матурскиот испит по математика. Професорите се исклучителни професионалци и се неговата најсилна поддршка во совладувањето на сложените проблеми од математиката и физиката. Школа со континуиран квалитет и посветеност. Најтопла препорака!“

Христина ДавидовскаРодител на ученик

„АЛФА е формула за среќен ученик, родител и професор! Од срце топло ја препорачувам за стекнување здрави животни навики, дисциплина, редовност и математичка култура. Затоа АЛФА е фамилија!“

Софија КоцеваПоранешна ученичка, магистер по технички науки од областа на градежништвото
Орбита

Најава

Податоците за најава ги добивате од АЛФА.

Најави се →
Упис

Како се запишува ученик

Групите се формираат на почетокот на учебната година. Подоцнежен упис е можен само ако во соодветната група има слободно место, или со индивидуални часови.

Контакт

Јавете се на 078 222 262 и кажете ни одделение, предмет и цел.

Избор на програма

Заедно ја одредуваме програмата и нивото што му одговараат на ученикот.

Слободно место

Проверуваме дали има место во група со врсници, во термин според смената. Ако нема, нудиме индивидуални часови.

Следење

Секое семејство добива свои податоци за најава во Орбита.

Контакт

Разговарајте со нас

Јавете се и ќе ви препорачаме програма и група, или индивидуални часови, според возраста, нивото и целта на ученикот.

Телефон078 222 262
Адресаул. 11 Октомври бр. 29-3/3Скопје
ЛокацијаGoogle Maps ↗